--------------- सपना ( DREAM ) ------------.

सागर पारी क्षितिजमा आज उनलाई देखे,

चकमन्न मध्ये रातमा सन्देश पनि लेखे l

उर्लिएका छालहरुको विस्तार गर्दा गर्दै,

चन्द्रमा नै बिलिन भयो नजर पर्दा पर्दै l

----------------------------------------------

बर्सौँ पछि स्वोपनिल शहरमा मिलन हुँदै थियो,

मेरो जस्तै उनको पनि आत्मा रुँदै थियो l

स्पर्शमै प्रभात भयो,घण्टी बज्यो टिन्न,

आँखा खुल्दा ओछयानमा,मन भयो खिन्न l

------------------------------------------------

चिप्ला चिप्ला बाचा उनका मनमा गुन्दै थिए,

पल पलका स्मरणको माला उन्दै थिए l

च्वास्स घोच्यो सियोले अनि तप्प चुहियो रगत,

झसङ्ग ब्यूँझिए सपनाबाट शून्य थियो जगत l l

 

 

उमेश निरौला(मुन्ना)

इनरुवा-३,सोमबारे,सुनसरी l

(हाल-द.कोरिया)